- وجه العديد من مشاهير الفن والاعلام العرب رسائل تهنئه بمناسبة عيد ميلاد الزعيم عادل امام حيث وجهت الفنانه ناديه الجندي تهنئه للفنان عادل امام وكتبت عبر صفحتها الرسميه على فيس بوك وقالت ( الفنان والنجم الكبير عادل امام شاهدت بالأمس لك حلقة مسجلة من برنامج تليفزيونى مع الفنان أشرف عبد الباقي سرد فيه مواقف وذكريات جميلة من حياتك كنت سعيدة جداً وأنا بتابع الحلقة حسيت أنك وحشتنی زی ما وحشت جمهورك وأنا من جمهورك كل سنة وأنت طيب وبصحه وسعادة ربنا يديك الصحه على قد ما أسعدت الملايين في مصر والعالم العربي)
وقالت الفنانه عايده رياض عن الزعيم عادل امام في ذكرى عيد ميلاده :
زعيمنا الغالي كل سنة وانت طيب و بخیر
و ربنا يديك طولة العمر ويديك الصحة والسلامة انا دخلت التاريخ من بعد اللعب مع الكبار معاك وساعتها قولتلك يا استاذ انا عايزة الباسبور.. و الباسبور ده هو اني اشتغل مع حضرتك.. و فعلا فترة ولقيتك بتقولي يا عايدة انتي معايا في الفيلم ده و حقيقي كان من امتع الأفلام لانه كان معاك.. اشكرك كتير علي الفرصة الجميلة دي.. وربنا يارب يباركلنا فيك ويحفظك لكل محبينك
وقالت الفنانه يسرى عن الزعيم :
كل سنة وإنت طيب يا زعيم قلبي ...
كل سنة وإنت منور الدنيا بوجودك، وبضحكتك اللي ما بتتكررش وبحب الناس ليك اللي مالهوش حدود .. اشتغلت معاك كتير وعشت معاك أكثر.. ضحكنا بكينا حلمنا، وكبرنا سوا في كل مشهد وكل لحظة .. ربنا يديك الصحة وراحة البال، وتفضل دايما الزعيم اللي بنحبه وبنفتخر بيه .. بنحبك أوي
-وغيرهم الكثير من اهل الفن والاعلام لاحصر لهم
-مواقف الزعيم عادل امام مع الفنانين :
قال الفنان الراحل سلیمان عيد كنت في شهر العسل عام ١٩٩٣، وعليا اقساط في الشقة وناس بتخبط على البيت عاوزه مني فلوس استجمعت شجاعتي وطلبت من الزعيم يشغلني وسألني عن أجري، قلت ٦٠٠ جنيه، لكنه فاجأتي بـ ١٥٠٠ جنيه واحتفل معايا بعيد ميلاد ابني